ايتا كەتەتىن جايت, بۇل وسى اپتانىڭ جالعىز مەرەكەسى ەمەس. 6 شىلدە كۇنى قازاقستان ءوزىنىڭ باس قالاسى استانانىڭ 19-ءشى تۋعان كۇنىن اتاپ وتپەكشى (قالا تەز ارادا مەنىڭ ەكىنشى ۇيىمە اينالىپ ۇلگەرگەنى دە راس. استانا جاڭادان تۋعان قالادان تەز ارادا وسى جىلدىڭ ەڭ ءىرى جاھاندى ءىس-شاراسى وتەتىن ورىنعا اينالعانى تاڭ قالارلىق.
اقش پەن قازاقستاننىڭ ماڭىزدى مەرەكەلەرىنىڭ ءبىر-بىرىنە جاقىن تۇرعانىنىڭ وزىنە ءمانى دە بار شىعار. قازاقستان تاۋەلسىزدىگىن العالى, ەكى ەل ءوزارا ىنتىماقتاستىق پەن سىيلاستىقتىڭ ارقاسىندا 25 جىل ىشىندە قارىم-قاتىناستاردا ءبىراز تابىستارعا قول جەتكىزدى. بۇگىنگى اقش پاۆيلونى وسى قاتىناستار بەرىكتىگىنىڭ ناقتى دالەلى بولۋدا.
اقش پاۆيلونى ەكسپو-2017 “بولاشاق ەنەرگياسى” تاقىرىبىمەن شابىتتانىپ, سارقىلماس ەنەرگيا كوزى ارقايسىسىمىزدىڭ ىشىندە دەگەن يدەياسىن جەتكىزگىسى كەلەدى. ءوزىمىزدىڭ ەنەرگيامىز ارقىلى ءبىز تاڭ قالارلىق ناتيجەلەرگە جەتكىزەتىن يننوۆاتسيالاردى ىنتالاندىرامىز. اقش پەن قازاقستان اراسىنداعى قاتىناستاردىڭ ەنەرگەتيكاسى امەريكا پاۆيلونىن يدەيادان شىنايى ناتيجەگە اكەلگەنى ءسوزسىز. اقش پەن قازاقستان اراسىنداعى سەرىكتەستىك تەك ساياسي ليدەرلەر ارقاسىندا عانا ەمەس, جەكە سەكتور مەن ادامداردىڭ اراسىنداعى قاتىناستاردىڭ ارقاسىندا نىعايا ءتۇستى.
قازاقستانمەن بەرىك سەرىكتەستىك ساقتاۋ امەريكانىڭ شەتەلدەگى مۇددەلەرى ءۇشىن وتە ماڭىزدى. ەكونوميكانى ليبەريزاتسيالاۋ ۇدەرىسى ارقاسىندا قازاقستاننىڭ نارىقتارى تارتىمدى بولا باستادى. بۇل جەرگە تاعى قازاقستاننىڭ ەنەرگەتيكالىق رەسۋرستارىن, گەوگرافيالىق ورنالاسۋىن جانە دەموگرافيالىق جاعدايىن قوسۋعا بولادى. وسى سيپاتتامالار ەلدىڭ حالىقارالىق تەرروريزممەن كۇرەسۋدەگى رولىمەن قاتار قازاقستاندى الەم تورىنە شىعارادى. قازاقستاننىڭ قاۋىپسىزدىك سالاسىنداعى ءرولى ۇلعايا ءتۇستى, ەلدىڭ جاقىندا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋى وسىنى دالەلدەيدى. بۇل تاريحي وقيعا (ورتالىق ازيا ەلى العاش رەت بۇۇ قاۋىپسىزدىك كەڭەسىنىڭ مۇشەلىگىنە كىردى) بۇۇ باس اسسامبلەياسىنداعى ورتالىق ازيا ءوڭىرىنىڭ ماڭىزدىلىعىن نىعايتتى.
امەريكا قۇراما شتاتتارىمەن دوستىق قارىم-قاتىناستار قازاقستان ءۇشىن دە ماڭىزدى. بۇل مەملەكەت قارقىندى ءوسىپ كەلە جاتقان ەكونوميكاسىنىڭ ليبەريزاتسياسىندا ءبىراز جەتىستىكتەرگە جەتتى. اقش, دۇنيە ءجۇزىنىڭ ەڭ ءىرى ليبەرالدى ەكونوميكاسى بولا تۇرا, قازاقستاننىڭ حالىقارالىق ساۋداسىن كەڭەيتۋدە ءتيىمدى سەرىكتەس بولۋدا. قازاقستاننىڭ الدا قويعان ماقساتتارىنا جەتۋگە امەريكالىق ينۆەستيتسيالاردىڭ ءوسىمى زور ۇلەس قوسادى دەپ سەنىمدىمىن. ەلدىڭ دامىپ كەلە جاتقان نارىعىندا امەريكاندىق كومپانيالار بيزنەس جۇرگىزۋدىڭ شىنايى سەرىكتەستەرى بولىپ قابىلدانادى. قازاقستاننىڭ ءتۇرلى ەلدەر مەن پارادوكستاردىڭ باسىن قوسۋ قابىلەتتىلىگى امەريكانى, ونىڭ الشاقتىعىنا قاراماستان, ەۋرازيا مەن ۇلى جىبەك جولىنىڭ جۇرەگىندە ورنالاسقان ءوڭىردىڭ تارتىمدى سەرىكتەسىنە اينالدىرادى.
وسى جازدا مەن كورمە قوناقتارىن اقش پاۆيلونىنا كەلىپ, ادام ەنەرگەتيكاسىنىڭ قۋاتىمەن شابىتتانۋعا شاقىرامىن. سونىمەن قاتار, اقش پاۆيلونى استانا مەن ۆاشينگتون دوستىعى ارقاسىندا سالىنعان ەكەنىن ۇمىتپاۋىن سۇرايمىن. پاۆيلون بەتوندىق ىرگەتاس پەن قاپتامادان ەمەس, اقش پەن قازاقستان اراسىنداعى شىنايى دوستىق بايلانىس نەگىزىندە سالىنعان.
اقش تاۋەلسىزدىك كۇنى مەن استانا كۇنى قۇتتى بولسىن!
دجوشۋا ۋولكەر,
ەكسپو-2017 كورمەسىندەگى اقش پاۆيلونىنىڭ پرەزيدەنتى
